بێ تۆ شه‌وي
مانگه شه‌وێ
هۆشي بردم، مه‌ستي كردم
له خۆشي شه‌وقي ديدارت ژيله مۆي عه‌شق
گرپه‌ي كرد و گه‌شايه‌وه
نه‌ك هه‌رجارێ سه‌دجار سه‌دجار
به يادي تۆ
زه‌رده خه‌نه بۆسه‌ر لێوم گه‌ڕايه‌وه
به چاو به دڵ به‌هه‌ست به گيان
سۆراخم كرد
له شۆڕه‌بي ، له سوور چنار
له گوڵي ژاڵه‌ي سینه‌ي ديوار
راست بوومه
عاشقه شێته‌ي شه‌وي ئه‌وجار
له يادمه
شه‌وێ پيكۆ به‌و كووچه‌دا را بردين
دوو عاشقي تامه‌زرۆ
له دڵخوازي ته‌نيایيدا
تاوێ له سه‌ر ئه‌و جۆگه دانيشتين
تۆ سيحري جواني لي ده‌ڕژا چاوي ره‌شت
من نوقم و سه‌ر سووڕماوي نيگاي گه‌شت
شه‌و هێمن و ئاسمان ساو
كات خۆش و به‌خت ته‌واو
هاو سه‌فه‌ر بووين
دل و گوێيان دابووه جريوه‌ي مه‌ل
له يادمه
تۆ كوتت تاوێ له‌و ئاوه رامێنه
عه‌شق شه‌پۆله و
ئاو ئاوێنه
تو كه ئێسته دڵت پێبه‌ستي منه
رۆژێكي‌تر
ده‌بيه عاشق و هۆگري
يارێكي تر
بۆيه ده‌ڵێم
وه‌ره‌عه‌شقي من له دڵ ده‌ركه
بۆوه‌ي له يادم كه‌ي
ماوه‌یێ له‌م شاره سه‌فه‌ر كه
كوتم
من ودا بڕان له عه‌شقي تۆ
ناتوانم
من وسه‌فه‌ر له‌و شاره به بێ تو
ناتوانم
له يادمه دڵ وه‌ك كۆترێكي ده‌سته مۆ
فري و هات و خۆی خسته
به‌رپێی تۆ
تو كشه‌ت لێكرد و، ئه‌و
هه‌ڵنه‌فري
تو راوچي بوويت و ئه‌و
راوي تو
چي باڵ و په‌ري خۆم بوو قرتانم
خۆم كرده نێچير بۆداوي تۆ
من له عه‌شقي تو رانامێنم
ناتوانم، ناتوانم
دڵوپێ ئاو
له‌سه‌ر داره‌وه تكا
په‌ڕه سێلكه به ناڵه ناڵ
لێیدا فڕي
تكي فرمێسك له‌سه‌ر كوڵمه‌ت خزي
مانگ به عه‌شقي تۆ
پێ ده‌كه‌ني
له يادمه تۆ وڵامێكت نه‌دامه‌وه
غه‌م به سه‌رمدا باري و
من كڕمامه‌وه
غوباري غه‌م دايپۆشي
ئه‌وشه‌وه و شه‌واني‌تر
تۆ نه‌تپرسي له عاشقي دڵشكاوت
جارێکی تر
نازاني به بێ تۆ من
به چ حاڵێكه‌وه به و كووچه‌دا را بردم
شیعر؛ فریدون مشیری
و: عه‌تا عه‌لیزاده
عضو شوید
عضویت سریع
آمار مطالب
آمار بازدید
