وا من ئه‌ڕۆم
بۆ یادگار، لێڵ خۆم ئه‌یبه‌م
له ئێوه ناوێک، شێوه‌یێک،
یا بزێکی دڵڕفێنی ئاسمانی،
یا سیمای به‌تاسه‌ی چاوه‌ڕوانی،
یا ده‌ست حه‌وادان،
بۆ ویتنه‌وه‌ی دوباره‌تان.
وا منم ئه‌ڕۆم،
بێنه باده‌م بنمه‌کانی به‌خوڕی میهره‌بانیتان
له به‌ر تاوگه‌ی زیوینی خۆشه‌ویستیدا،
با تێر ئاو بم.
تۆوی یادتان،
له ناو مه‌زرای ئه‌ندێشه‌ما،
سه‌ر ببزێوێ،
هه‌ر سه‌وز بێ.
با داری یادگاریتان،
هه‌ر به‌ردار بێ.
وا من ئه‌رۆم،
بێنه با ببیه‌م مۆسیقای شیرینی لاوانه‌وه‌تان،
تاکو به یاڵی دایه‌پیره‌ی ئه‌ندیشه‌م ،
منداڵانی،
به‌ری داری یادگاری،
بده‌نه به‌ر پلاری بیره‌وه‌ری،
له شه‌وگاری ئه‌نگوسته چاوی نامۆیی،
هۆن هۆن بگری و
منداڵانی بلاوێنێ.
سه‌لاحی مه‌نووچێهری
عضو شوید
عضویت سریع
آمار مطالب
آمار بازدید
